Series 72 – Swaminarayan Sect – when did K.K.P. people get the Rank of Sadhus? / સ્વામીનારાયણ સંપ્રદાય – ક.ક.પા. જ્ઞાતિના લોકોને ક્યારે સાધુનો દરજો આપવામાં આવ્યો?

04-Mar-2018

કચ્છ કડવા પાટીદાર જ્ઞાતિને સનાતન ધર્મમાં વાળવાના પ્રયત્ન રૂપે જ્ઞાતિના આગેવાન વડીલ શ્રી વિશ્રામ નાકરાણી બાપાને જ્ઞાતિએ આપેલ વચન (ગોકળિયું એટલે શ્રી કૃષ્ણ જન્માસ્ઠામીને ન છોડવાનું અને માંસાહાર ન ખાવાનું વચન) ને જાણે સર્વે ભૂલીજ ગયા હતા, ત્યારે ઈ.સ. ૧૭૬૮માં જન્મેલા ગામ નેત્રાના નરવીર શ્રી કેશરા તેજા સાંખલા ઉર્ફે કેશરા પરમેશ્વરાએ પીરાણા સતપંથ ધર્મના પ્રપંચમાંથી જ્ઞાતિને છોડાવી સનાતન ધર્મના પવિત્ર માર્ગે વાળવાનો પ્રયત્ન કરેલ હતો.

 

તેમના આ પવિત્ર પ્રયાસોના રૂપે તેઓ કચ્છ કડવા પાટીદાર જ્ઞાતિના ઘણાં ગામોના લોકોને સનાતન ધર્મના એક સંપ્રદાય એટલે સ્વામીનારાયણ સંપ્રદાયમાં વાળવા સફળ થયા. પરિણામે કચ્છ કડવા પાટીદાર જ્ઞાતિમાં સત્સંગી સમાજ ઉભો થયો. સનાતન ધર્મ પ્રત્યેનું સ્વાભિમાન જાળવવા અને પીરાણા સતપંથ ધર્મમાં સત્સંગ સમાજ પાછો વળી ન જાય તે ઉમદા હેતુથી સત્સંગી સમાજે પીરાણા સતપંથ ધર્મ વાળાઓ સાથે ખાનપાન આદિ તમામ વ્યવહારો વર્ષો પહેલાજ છોડી દીધેલ છે.

 

તેમ છતાં, કચ્છ કડવા પાટીદાર જ્ઞાતિમાંથી બનતા સાધુઓને સ્વામીનારાયણ સંપ્રદાયમાં સ્વીકારવામાં આવતા નોહતા. આ અંગેની પીડા અને અપમાનની લાગણીને દૂર કરવા કચ્છ કડવા પાટીદાર સત્સંગ સમાજના અમુક આગેવાનોએ અમદાવાદ ખાતે સ્વામીનારાયણ સંપ્રદાયના ઉચ્ચ કોટીના સાધુઓને ફરિયાદ કરતા, તા. ૦૭-ઓક્ટોબર-૧૯૪૫ના અમદાવાદ ખાતે સનાતન ધર્મના ઉચ્ચ કોટીના જ્ઞાનીઓની એક સભા ભરાયેલ હતી, તેમાં કચ્છ કડવા પાટીદાર જ્ઞાતિના સાધુઓને ન્યાય મળ્યો. આ ન્યાય મહામહેનતે મળે છે, જેણે કારણે આજે સત્સંગી સમાજ ખુબજ ગૌરવ અનુભવે છે.

 

આ નિર્ણયનું અધ્યયન કરવાથી જાણ થશે કે કચ્છ કડવા પાટીદાર જ્ઞાતિની અધોગતિ થવા પાછળનું કારણ માત્ર પીરાણા સતપંથ ધર્મ અપનાવવું જ હતું. કારણ કે પીરાણા સતપંથ ધર્મ એ હિંદુ સનાતન ધર્મ નથી અને એ માત્ર લોકોને ધીરે-ધીરે મુસલમાન બનાવવાનું પ્રપંચ છે.

 

આ અંગે થયેલ કાર્યવાહી અને નિર્ણયનો દસ્તાવેજ આ સાથે જોડેલ છે.

 

લી.
Real Patidar / રીયલ પાટીદાર


Direct Link: https://archive.org/details/series72

Download Link: https://archive.org/download/series72/Series72SwaminarayanSectWhenDidKKPpeopleGetTheRankOfSadhusD.pdf

 

Series 71 -Pirana Sandal Ceremony 2017 / પીરાણા સંદલ ક્રિયા ૨૦૧૭

15-Jan-2018

પીરાણા સ્થિત ઈમામશાહની દરગાહમાં દર વર્ષે, ઈરાનથી ઇસ્લામનો પ્રચાર કરવા આવેલ સૈય્યદ ઇમામુદ્દીન અબ્દુર રહીમ, ઉર્ફે ઈમામશાહ બાવાની કબર ઉપર લાગેલ માટીની બદલવામાં આવે છે. આ ક્રિયાને સૈય્યદ  ઈમામશાહ બાવાના વંશજ સૈય્યદોના હાથે કરવામાં આવે છે. જેણે સંદલ ક્રિયા કહેવામાં આવે છે.

દર વર્ષની જેમ, વર્ષ ૨૦૧૭માં આ ક્રિયા ૨૧-૦૬-૨૦૧૭ ના કરવામાં આવેલ હતી. તેનો વિડીયો અહીં જોડેલ છે અને આપ જોઈ શકો છો…..

Youtube Link: https://www.youtube.com/watch?v=f53mZw7H60s&feature=youtu.be

પરંપરા એવી છે કે કબરને ઠંડી રાખવા માટે માટીનો લેપ કરવામાં આવે છે. આ લેપમાં કરબલા (ઇરાક દેશમાં આવેલ એક શહર, જ્યાં, શિયા મુસલમાનના સર્વોચ્ચ, હઝરત મૌલા અલીના દીકરા ઈમામ હુસૈનની શહાદત થયેલ હતી), એટલે એ જગહની માટીને સુગંધિત સંદલના સાથે અન્ય વસ્તુઓ સાથે મેળવીને એક લેપ તૈયાર કરવામાં આવે છે.

ઈમામશાહ દરગાહના “ઉર્સ” ના દિવસે ઈમામશાહના વંશજ સૈય્યદો, કબર ઉપર લાગેલ જુના લેપને ધોઈને કાઢી નાખે. એ ધોઈલી કબર ઉપર ઉપર બતાવેલ પ્રમાણે બનાવેલ નવો લેપ લગાડવામાં આવે છે.

પરંપરા પ્રમાણે ધોયેલી જૂની માટીને એક તરફ ભેગી કરવામાં આવે છે. પાણી અને માટીના આ લેપને સુકાવી તે જૂની માટીની નાની નાની ગોળીઓ બનાવામાં આવે છે. આ ગોળીઓને અમીની ગોળી અથવાતો પાવળની ગોળી કહેવામાં આવે છે. આ ગોળીઓને સતપંથના ધાર્મિક સ્થળોમાં મોકલવામાં આવે છે.

સતપંથના ખાનાઓ, જેણે ઘણા લોકો નિષ્કલંકી મંદિર તરીકે ઓળખે છે, તેમાં આ ગોળીઓને પાણીમાં પીગળાવી દેવામાં આવે છે. આવી રીતે “પાવળ”નું પાણી તૈયાર કરવામાં આવે છે. જે કોઈ મુરીદ સતપંથના ધાર્મિક સ્થળમાં જાય, ત્યારે તેને પાવળનું પાણી પીવા માટે આપવામાં આવે છે.

આ ક્રિયામાં હિંદુ અને મુસલમાન સાથે મળીને મનાવે છે. સમગ્ર કાર્યક્રમ દરમિયાન ઈમામશાહની કબર સામે બેસીને મૌલા અલીને ઉદ્દેશીને શિયા મુસલમાનોની પ્રથા પ્રમાણે કવ્વાલી ગાવામાં આવે છે. અજમેર દરગાહમાં પણ આ રીતે આવીજ કવ્વાલી ગાવામાં આવે છે.

હાલ વિડીયોમાં આપ ઈમામશાહના દરગાહની સામે આવેલ હઝાર બેગની કબર પાસે બેસીને ઈમામશાહને ઉદ્દેશીને કવ્વાલી ગાવામાં આવે છે, તે જોઈ શકો છો.

આ સાથે જોડેલ વિડીઓ દવારા આપ આ કાર્યક્રમની ઝલક જોઈ શકાય છે.

અમારા સુંધી ઇમેલ મારફતે વિડીયો મોકલનાર ભાઈ/બહેનને ખુબ ખુબ ધન્યવાદ

લી.

Real Patidar / રીયલ પાટીદાર

 

OE 68 – Patidar Sandesh supports Sanatan Movement / પાટીદાર સંદેશ દ્વારા સનાતની મોહીમને ટેકો

તા. ૨૫-૧૧-૨૦૧૭
જય લક્ષ્મીનારાયણ,

સામાન્ય રીતે કેન્દ્રિય સમાજ તેમજ સનાતન ધર્મના વિરુદ્ધ અથવા સનાતની મોહીમ ઢીલી પડતા કામોની ટીકા આપણા રીયલ પાટીદાર વેબસાઈટ ઉપર થતી હોય છે.

તે પ્રમાણે આથી આગાઉ પાટીદાર સંદેશ દ્વારા થયેલ સનાતની મોહીમને ઢીલી પાડતા લખાણોનું સવિસ્તાર મુદ્દાસર તમની ભૂલ બતાવતા લખાણ જનતા સામે મુકવામાં આવેલ હતાં.

પણ આજે જ્યારે પાટીદાર સંદેશે સનાતન ધર્મ અને કેન્દ્રિય સમાજના તરફેણમાં લખ્યું છે, ત્યારે તેમની વાતને વધાવી લેવાની ફરજ પણ એટલીજ છે. ભલે અમુક બાબતોમાં હજી તેમની પાસે સમાજની જે આશા અને અપેક્ષા છે, તેના પર તે ખરા નથી ઉતર્યા, પણ શુરૂવાત કરવા બદ્દલ તેમને ધન્યવાદ પાઠવવો તો રહ્યોજ.

હાલના નવેમ્બર ૨૦૧૭ના અંકના તંત્રી લેખમાં પાટીદાર સંદેશના તંત્રીઓએ જે ઉમિયા માતાજી ઊંઝાએ તા. ૦૮-૧૦-૨૦૧૭ ના સતપંથ વિવાદ અંગે આપેલ નિર્ણયને વધાવી તેનું સાચા Spirit (ભાવના) થી પાલન કરવા સમસ્ત કચ્છ કડવા પાટીદાર જ્ઞાતિને જે આવાહન તંત્રીશ્રીઓ તેમના તંત્રો લેખમાં (તંત્રી લેખની નકલ અહીં જોડેલ છે) કરેલ છે, તે માટે તેઓ અભિનંદનને પાત્ર છે.

પાટીદાર સંદેશના તંત્રીઓ પાસે, ઊંઝાના વડીલોની માફક, આપણી સનાતન સમાજના આગેવાનો જે આશા રાખે છે, તેમાં તેમનો સહયોગ સાચા Spirit થી મળતો રહેશે તેવી આશા રાખીએ છીએ. આને આપણી જ્ઞાતિ સંપૂર્ણ રીતે એક થઇ, સનાતન હિંદુ ધર્મ પાળતી થઇ જાય, તેવા કાર્યોને વધુ વેગ આપતા પ્રોતસાહન વધારતા લેખો પાટીદાર સંદેશના માધ્યમથી લોકોને મળે તેવી આપણા સર્વેથી લાગણી અને માંગણી રહેશે. સમાજ ધાર્મિક રીતે શુદ્ધ સનાતની બને અને સંગઠિત થાય તેવી આપણી મા ઉમિયા પાસે પ્રાર્થના.

લી.

રીયલ પાટીદાર


Download: https://archive.org/details/rpoe68

Series 70 -Umiya Mataji Unjha approves views of Real Patidar / ઉમિયા માતાજી ઊંઝા દ્વારા રીયલ પાટીદારને અનુમોદન


Update: 23-Oct-2017

આપણી કેન્દ્રિય સમાજ એટલે “શ્રી અખિલ ભારતીય કચ્છ કડવા પાટીદાર સમાજ” દ્વારા ઉમિયા માતાજી સંસ્થાન ઊંઝા દ્વારા આપેલ આ ચુકાદાને તેમના મુખપત્ર “સનાતન ધર્મ પત્રિકા” માં પ્રકાશિત કરેલ છે. જે કલર કોપી હોવાથી અહીં પણ જોડવામાં આવેલ છે.

Real Patidar


 

Date: 12-Oct-2017

RealPatidar.com વેબસાઈટ પર આપણે હમેશાથી જે વાત કરતા આવ્યા છીએ કે સતપંથના જે ચાર પાયાઓ છે, જેમાં છે;

  1. ઈમામશાહ
  2. નિષ્કલંકી નારાયણ
  3. સતપંથ, અને
  4. પીરાણા

આ ચાર પાયાઓથી જ્યાં સુધી સતપંથમાં ફસાયલ લોકોને દુર નહી કરાય, ત્યાં સુધી લોકો પીરાણા સતપંથ થી છૂટી નહી શકે.

 

આ અંગે આગાઉ માહિતી જે વેબસાઈટ પર મુકેલ છે, તેમાં…

Series 68 – Moksh Via Islam (http://www.realpatidar.com/a/series68)

Series 34 – Satya Prakash -A book on history of Pirana Satpanth

(http://www.realpatidar.com/a/series34)

Series 64 – Satpanth Dasavatar – Clarification (http://www.realpatidar.com/a/series64)

માહિતીઓમાં ભારપૂર્વક જણાવેલ છે કે ઉપર બતાવેલ ચાર પાયાઓ ઉપર પીરાણા સતપંથ ધર્મ ઉભો છે.

 

તારીખ ૦૮-ઓક્ટોબર-૨૦૧૭ના ઉમિયા માતાજી ઊંઝા દ્વારા સતપંથ-સનાતન વિવાદ અંગે આપેલ નિર્ણય ખુબ સરાહનીય છે અને તે નિર્ણયમાં રીયલ પાટીદાર દ્વારા બતાવેલ મુદ્દા પર જ મુખ્ય રૂપે આધારિત છે.

 

આપણા કુળદેવી મા ઉમિયા, ઊંઝાના નિર્ણયમાં મુખ્ય રૂપે નીચે જણાવેલ મુદ્દાઓ છે….

 

  1. ઇમામશાહ શબ્દ મુસ્લિમ(ઇસ્લામ ધર્મ) છે. મુસ્લિમની કોઈપણ ક્રિયાક્રમ-વિધિ વિધાન સમાજે કરવી નહીં.
  2. પીરાણા સપંથના ઇષ્ટદેવ નિષ્કલંકી નારાયણ હિન્દુ શાસ્ત્ર ના વિરુદ્ધ છે, તેથી નિષ્કલંકી નારાયણને પૂજવાનું બંધ કરવાનું કહેલ છે. તમામ દશાવતાર કથાઓ બંધ કરવી પડશે. દસવાતર કથા રાખવી એટલે તેનો અર્થ એમ થાય કે હિંદુ ધર્મ શિવાય અન્ય ધર્મ (ઇસ્લામ ધર્મ) નો પ્રચાર થશે.
  3. સતપંથના માનનારાઓએ સંપૂર્ણ પણે હિન્દૂ ધર્મને અનુસરવું, મુસ્લિમ ધર્મ ત્યજવો.
  4. અત્યાર સુધીમા પીરાણાપંથના ભાઇઓ તરફથી થયેલ તમામ કોર્ટ કેશો 60 દિવસમા પરત ખેંચી લેવા (સનાતન તરફથી કોઇ કેશ કરેલ જ નથી)
  5. હવે પછી દસોન્દના પૈસો પીરાણે આપવા નહીં પણ મોટી સમાજ એટલે કેન્દ્રિય સમાજમાં જમા કરવા
  6. સતપંથના માનનારાઓએ સંપૂર્ણ પણે હિન્દૂ ધર્મને માનનારા મોટા પ્રવાહમાં ભળી જવું, તેવી મા ઉમિયાની ઈચ્છા છે.
  7. કડવા પાટીદાર કુળદેવી શ્રી ઉમિયા માતાજી સંસ્થાન, ઊંઝા , સિદસર અને સુરત દ્વારા લેવાયેલ અને બંને પક્ષોએ માન્ય રાખેલ છે.
  8. ટુંકમાં આપણી સનાતની કેન્દ્રીય સમાજના સ્થાપક વડીલોના સિદ્ધાંતને ઉમિયા માતાજી ઊંઝાએ વધુ મજબૂત કરતું સમર્થન કરેલ છે.

 

કડવા પાટીદાર કુળદેવી શ્રી ઉમિયા માતાજી ઊંઝાનો નિર્ણય આ સાથે જોડેલ છે અને સાથે સાથે હમેશની જેમ, મુદ્દા સર વિશ્લેષણ કરેલ છે, જે આપ જોઈ વાંચી શકો છો.

 

આ નિર્ણય લેવા માટે લગભગ બે વર્ષ સુધી પ્રયાસો ચાલ્યા. બન્ને સમાજો એટલે કે સનાતન સમાજ અને સતપંથ સમાજ તરફથી ૧૧-૧૧ પ્રતિનિધિઓ (પોતાની સમાજમાંથી સંપૂર્ણ સત્તા લઇને આવેલ) એ પોત-પોતાની રજુવાતો કરી. પુરાવાઓ રજુ કર્યા. ઉમિયા માતાજી ઊંઝા, સીદસર અને સુરતના આગેવાનોની સંયુક સમિતિ બધીજ બાજુ સંપૂર્ણ અભ્યાસ કરીને, લગભગ બધીજ વાતો પર ખુબ ઊંડાણ પૂર્વક અને ગંભીરતાથી ચર્ચા-વિચારણા કરીને આ નિર્ણય દીધેલ છે. માટે આ નિર્ણયનું મહત્વ ખુબ જ ઊંચું છે. અને કદાચ આના માટે જ કહેવાયતું હશે કે આ નિર્ણય જે છે એ શાક્ષાત રાજ-રાજેશ્વારી ઉમિયા મા ની ઈચ્છા છે.

 

realpatidar.com ના તમામ ટીમના લોકો ખુબ આનંદિત છે કે વર્ષોની તેમની મહેનતને ઉમિયા માતાજી ઊંઝા, જેવી, લોકપ્રિય, પ્રકાર, આદરણીય, ઉચ્ચ વર્તુળમાં ખુબ માનપૂર્વક છબી ધરાવતી તેમજ કડવા પાટીદારોની સર્વોચ્ચ સંસ્થા, દ્વારા મળેલ અનુમોદન ના કારણે સંપૂર્ણ ટીમ પ્રફુલ્લિત છે. અને ટીમની મહેનત રંગ લાવી તેનો અનેરો આનંદ છે.

 

ઉમિયા માતાજી ઊંઝાને ખુબ ખુબ ધન્યવાદ કે તેવોએ આ ઐતિહાસિક નિર્ણય આપ્યો અને કડવા પાટીદાર જ્ઞાતિને એક સુત્રે બાંધવા દીર્ગ દ્રષ્ટિ બતાવી.

 

ઉમિયા માતાજી આપણા કુળદેવી કહેવાય… કુળદેવી એટલે આપણી મા કહેવાય. આ ચુકાદો જે છેને એ આપણી મા ના બોલ કહેવાય. મા ને આપેલ વચનની અવગણના જો આપણે કરશુંને તો આપણને કદી શાંતિ નહીં મળે. આપણે મા ના બોલને જો ન સ્વીકારીએ તો માનું મન દુભાશે. જે માણસ માનું મન દુભાવશેને તે ખરેખર નરકમાં જાશે. કોઈ સુખી નહીં થાય. માટે આપણે આપણા અહમ છોડીને એક થઇ જઈએ. હવે આપણે સતપંથ ધર્મને છોડીને મા ઉમિયાની ઈચ્છાને પરિપૂર્ણ કરીએ અને હિંદુ સનાતન ધર્મની રાહ પર આવી જઈએ.

 

“સતપંથ હિંદુ ધર્મ જ છે“ તેવું ખોટું આગ્રહ ન રાખીએ, મા એ ચોખ્ખે ચોખ્ખું કહી દીધું છે કે સતપંથ છોડો. જે લોકો તમારા પૈસાથી જલસા કરે છે, તે લોકો તમને સતપંથ છોડવા નહીં દે. પછી તેઓ સમાજના આગેવાન હોય કજે સતપંથના સાધુઓ હોય. તે લોકો વારે ઘડીએ એકજ વાત કર્યા કરશે કે સતપંથ હિંદુ ધર્મ છે. તેમાં ફેરફાર કરવો પડે તો કરશું, પણ સતપંથ છોડવા નહીં દે. તમને અને તમારા પૈસોને દસોન્દ કે દાનના નામે ચૂસ્યાજ રાખશે, અને બીજી બાજુ પોતે જલસા કરતા રહેશે. આવા લોકોને ઓળખજો, હિંમત રાખજો, તેમને કહીં દેજો કે જો સતપંથ હિંદુ ધર્મ છે, તો પછી અમો પણ સનાતન હિંદુ ધર્મમાં ભળવા માંગીએ છીએ, તો તેમાં તમે શું કામ ના પાડો છો? તેમની પાસે સંતોષકારક કોઈ જવાબ નહીં હોય. ગોળ ગોળ આદર્શવાદી વાતો કરીને તમને ભરમાવશે. ચેતજો આવા માણશો થી. જે લોકો સતપંથ દશાવતાર કથાઓ કરીને પોતાની ખોટી ધર્મની દુકાન ચલાવી રહ્યા, તે લોકોથી પોતાની દુકાન બંધ થતી સહન તો ન જ થાય. માટે સાચું ખોટું, મીઠી-મીઠી, ભાઈ ચારા, પ્રેમની લુભામણી વાતો કરી તમને ભોલાવતા રહેશે. તેમની વાતોમાં ફસાજો નહીં.

 

મા ઉમિયાની શરણે જે જે ગયા છે, તેઓ ને ખુબ સમૃદ્ધિ, યશ, કીર્તિ અને સુખ મળ્યું છે. આજે તેઓ દરેક ક્ષેત્રે આગળ છે. જુવો આજે જયારે, મા ની હાકલ પડીને એટલે અમદાવાદમાં ૧૦૦૦ કરોડ રૂપિયાનું સંકુલ ઉભું થવા જઈ રહ્યું છે. કુળદેવી મા ઉમિયા આપણી મા છે ને તે હજાર હાથ વાળી છે, એ ધન આપે છે, એ વંશ વધારે છે, એ સુખ આપે છે, એ શાંતિ આપે છે. માટે હવે આજુ બાજુ કંઈ વિચારો નહીં, વિશ્વાસ રાખો મા પર અને જંપલાવી દો… આવો સનાતન સમાજના દ્વારા તમારા માટે ખુલ્લા છે. તમને ખુબ માન મળશે, તમારો ખુબ આદર થશે. તમારી આવતી પીઢી ગર્વ કરશે તમારા પર અને પોતે શુદ્ધ હિંદુ હોવાનું ગૌરવ લેશે. તમારા માટે નહીં તો તમારી આવીતી પીઢી માટે આ કામ કરો.

 

સતપંથ વાળા તમે ગમે તેટલી લાલચ આપે, ગમે તેટલા અવરોધો ઉભા કરે, વિધ્નો નાખે, ઘબરાશો નહીં, આખો બોહળો સમાજ તમારી સાથે છે. જે લોકો તમારા પૈસે અને તમારી તાકાત ઉપર મજા કરે છે, તે લોકો તમને છુટ્ટા પાડવા નહીં દે, પણ તેમની ચીકણી ચુપડી વાતોમાં ન ફસાઈ અને સાગર જેવા વિશાલ, નિર્મળ અને સાચા શુદ્ધ સનાતન સમાજમાં ભળી જાવ.

 

પૂર્વ જન્મમાં તમારા સારા કર્મ હશે, જે તમને આ જન્મમાં તમારા વાહરે આવ્યા છે. તમે ખુબ નસીબદાર છો, કારણ કે માતાજીએ સેંકડો વર્ષો માં પહેલી વાર આવો આદેશ આપેલ છે. તમે કુળદેવી ઉમિયા માતાજીના ખુબ વાહલા છો, અને માતાજીથી તમારી પીડા જોવાથી નથી હવે. માતાજીને તમારૂં દુઃખ સહન નથી થાતું, એટલેજ માતાજીએ તમને આવાહન કરેલ છે. આ ટાણું ગુમાવશો નહીં. જડપી લો આ તકને અને સદાય માટે નિશ્ચિંત થઇ, ગૌરવ સાથે જીવન જીવો.

 

એક દિવસ સંપૂર્ણ સમાજ સતપંથમાં હતી, પણ આજે લગભગ ૯૫% લોકો સતપંથ છોડી સનાતન ધર્મની શીતલ છાયાનો આનંદ લઇ રહ્યા છે. તમે પણ આ છાયાનો આનંદ લો. તમારા ભાઈ બહેનો સાથે, સાચા દિલથી જોડવો. અંદરો અંદર થતી પીડાથી કાયમ માટે મુક્તિ મેળવવો. માતાજી સૌનું કલ્યાણ કરેશે તેમાં કોઈ શંકા નથી. આવો મારા ભાઈ આવો.

 

આવો સૌ
એક બનિયે નેક બનિયે

લી.
રીયલ પાટીદાર


 

Download Link: https://ia601500.us.archive.org/8/items/series70/Series70-umiyaMatajiUnjhaJudgementOnSatpanth-ds.pdf

 

OE 67 -KKP (USA) Samaj -Views of Women on Satpanth / ક.ક.પા. (USA) ના મહિલાઓના સતપંથ વિષે વિચારો

28-Jul-2017
જય લક્ષ્મીનારાયણ,

આ ઇમેલ સાથે, ક.ક.પા.(USA) સમાજના માજી પ્રમુખ અને પ્રખર મહિલા નેતા, શ્રીમતી રૂક્ષમણીબેન નાકરાણી તથા યુવાસંઘના માજી પ્રમુખ શ્રી ગૌરાંગભાઈ ધનાણીની સતપંથ વિષે થતી ચર્ચાની ઓડીઓ ફાઈલ જોડેલ છે.

આ ચર્ચામાં વચ્ચે વચ્ચે અમુક અન્ય ભાઈઓના અવાજો પણ સંભાળવા મળે છે, તેમાં CA ભવનભાઈ લીંબાણી, તેમજ દામોદરભાઈ કચ્છી છે.

આ ચર્ચામાં રૂક્ષ્મણીબેન પોતાના દાદા, દાદી તેમજ તેમના પિતાને લઈને સતપંથ વિષેના પોતાના અનુભવો અને વિચારો રજુ કરેલ છે, જે દરેક મહિલાઓએ અનુસરવા જેવા છે.

શ્રીમતી રૂક્ષ્મણીબેનની રાજા લઈને, શ્રી ગૌરાંગભાઈના અનુરોધથી, તેમને સૂચિત કરીને, તેમના મિત્રોએ આ ઓડીઓ રેકોર્ડીંગ મોકલેલ છે અને વિનંતી કરેલ છે કે આ રેકોર્ડીંગને જન જન સુધી પોહ્ચાડવામાં આવે.

(ઉપર બતાવેલ બટન પર ક્લિક કરો….)

Real Patidar


Download: https://archive.org/details/rpoe67