Series 62 -Controversy of Associating Imam Shah with Atharv Veda /અથર્વવેદ સાથે ઈમામશાહનું નામ જોડવાથી વકરેલો વિવાદ 7


તા.૨૪-૦૫-૨૦૧૬

પ્રસંગ: શ્રીમદ્ ભાગવત દશાવતારનું આયોજન તા. ૧૮-૦૫-૨૦૧૬ થી ૨૪-૦૫-૨૦૧૬

સ્થળ: ગામ દુર્ગાપુર, તા. માંડવી, જી. કચ્છ, ગુજરાત

વક્તા: શ્રી જનાર્ધન મહારાજ – ગામ ફેજપુર (મહારાષ્ટ્ર)

 

મુખ્ય ભાગ:

પીરાણા સતપંથના અનુયાયીયો દ્વારા હાલમાં શ્રીમદ ભાગવત દસતાવાર કથાનું આયોજન થઇ રહ્યું છે. જેની આમંત્રણ પત્રિકા ગામો ગામ બાંટવામાં આવેલ છે. આ પત્રિકાના એક પાનાં ઉપર ઈમામશાહનું નામ અથર્વવેદ સાથે જોડેલ છે. (સંપૂર્ણ આમંત્રણ પત્રિકા આ લેખ સાથે જોડેલ છે.)

આમંત્રણ પત્રિકાનું પાનું:

Series_Page_2

આમ તો અન્ય ત્રણ વેદો સાથે કોઈ ન કોઈ ઋષિઓના નામો જોડેલ છે, પણ અથર્વવેદ સાથે એક મુસ્લિમ વ્યક્તિનું નામ એટલે કે ઈમામ શાહ જોડવાથી હિંદુ સમાજમાં મોટો ખળભળાટ મચેલો છે.

૧. તો ચાલો આપણે જોઈએ કે અ ખળભળાટ પાછળ શું કારણો હોઈ શકે?

આ પ્રશ્નનો સાચો જવાબ મેળવવો હોય તો આપણે સતપંથની સ્થાપના, ઈમામ શાહનો ઈતિહાસ અને સતપંથના ધાર્મિક શાસ્ત્રો જાણવો પડશે. તેમજ વેદો ક્યાંથી આવ્યા તે પણ જાણવું પડશે.

આ વિષય આગળ વધારવાથી પહેલાં આપણે પીરાણા સતપંથ દ્વારા બહાર પડેલ એક પેમ્પલેટ બારામાં થોડું જાણી લેવું જોઈએ. એ પેમ્પલેટ નીચે આપેલ છે.

Series 62_Page_3

ઉપર જણાવેલ પેમ્પલેટ એ સતપંથના સિદ્ધાંતોને આધીન છે. સતપંથનો એક મહત્વનો સિદ્ધાંત છે કે હિંદુઓના ચાર યુગ ને મૂળમાં રાખીને તેના પર એવો પ્રચાર કરવામાં આવ્યો છે (જે હિંદુ ધર્મ પ્રમાણે તદ્દન ખોટો છે) કે દરેક યુગમાં એક વેદ, એક મંત્ર, એક ભગવાન, એક પૂજા, એક નદી, એક દાગ (મડદાને આપતો દાહ) વગેરે વગેરે છે. આ સિદ્ધાંત પ્રમાણે અગાઉ ત્રણ યુગમાં જે પ્રચલિત હતા, તે હવેના છેલ્લા એટલે કે કલિયુગમાં તેને કોઈ સ્થાન નથી. તેને માત્ર નમસ્કાર કરવા જોઈએ અને પૂજન તથા પાલન માત્ર ઉપર જણાવેલ પેમ્પલેટમાં કલિયુગના કોલમ પ્રમાણે જ કરવું જોઈએ.

હવે કારણ કે પીરાણા સતપંથના આ પેમ્પલેટ પ્રમાણે સતપંથીઓ માત્ર, તેમના પ્રમાણે (હિંદુ ધર્મ પ્રમાણે નહિ) કલિયુગમાં પ્રવર્તમાન વેદ એટલે કે અથર્વવેદને જ માને છે અને અન્ય ત્રણ વેદને નથી માનતા, એટલે આ લેખમાં આપણે આપણું ધ્યાન અથર્વવેદ અને ઈમામશાહ ઉપર વધારે કેન્દ્રિત કરશું. તેમ છતાં અન્ય ત્રણ વેદ ઉપર ઉડતી નજર જરૂર કરશું.

૨. શરૂવાત કરીએ દશાવતારની પત્રિકામાં છાપેલ વેદો અને તેની સાથે જોડેલ નામો થી:

તો પહેલા ઈતિહાસ જાણીએ કે વેદો ક્યાંથી આવ્યા? હિંદુ ધાર્મિક શાસ્ત્રો, ઈતિહાસકારો, સરકારી દસ્તાવેજો, સંશોધનકરો અને લગભગ સર્વે જ્ઞાની લોકોનું એક મત છે કે વેદોના કોઈ લેખક નથી. એ દૈવી પુસ્તક છે. હિંદુ શાસ્ત્રોમાં આના માટે જે શબ્દ વપરાય છે તે છે “अपौरुषेय”, ગુજરાતીમાં “અપૌરૂશેય”, એટલે કે કોઈ પણ વ્યક્તિ કે માણસ ની ક્ષમતાથી બહાર છે. એટલે કે ભગવાન દ્વારા કરવામાં આવેલ છે.

બીજી વાત અહીં ધ્યાનમાં રાખવા જેવી એ છે કે અનંત કાળથી વેદો ચાલતા આવ્યા છે. એમાં અક્ષરરોની રચના એવી છે કે તેની પાછળ ગણિત પણ છે. માટે જો કોઈ વચ્ચે એક અક્ષર પણ બદલાય તો ગણિત તૂટી જાય અને ખબર પડી જાય કે અહીં ગડબડ છે. માટે વેદોના મંત્રો આજે પણ સચોટ મળતા રહ્યા છે. તેમ છતાં ઈતિહાસકારો ને જે વેદોની લેખિત પ્રતો મળ્યા છે, તેને પણ લગભગ ૪ થી ૫ હાજર વર્ષ થઇ ચુક્યા છે.

ટૂંકમાં કહીએ તો વેદો હજારો વર્ષોથી યથાવત ચાલતા આવ્યા છે અને તેના કોઈ માનવ રચઈતા નથી

૩. હવે આપણે સમજીએ કે આમંત્રણ પત્રીમાંમાં છપાયેલ વેદોના નામો સાથે ઋષીઓ અને મુસલમાન ઈમામશાહનું નામ જોડવા પાછળના સંભવિત કારણો શું હોઈ શકે?

હાલમાં ઉભો થયેલ વિવાદ અને તેના કારણે મચેલ ખળભળાટ પાછળનું કારણ છે કે વિદો સાથે એક મુસલમાન ધર્મ પ્રચારકનું નામ જોડવું. સામાન્ય નિયમ એમ હોય છે કે કોઈ ગ્રંથ સાથે તેના રચેઈતાનું નામ લખવામાં આવે છે. માટે અહીં અથર્વવેદ સાથે ઈમામશાહનું નામ જોડવાથી સ્વાભાવિક છે કે લોકો સમજશે કે અથર્વવેદના રચેઈતા ઈમામ શાહ છે, તેવો આ પત્રિકા દ્વારા સંદેશો આપવામાં આવે છે. જે સત્યથી જુદો છે. માટે જ આ રોષ જાગેલ છે. જો અથર્વવેદ સાથે મુસલમાન ઈમામશાહનું નામ જોડવા પાછળ કોઈ અન્ય કારણ હોય, તો તે છાપવું જોઈએ. આ અંગે બેદરકાર રહેવું એ માફીને પાત્ર નથી.

૪. તો પ્રશ્ન ઉભો થશે કે પીરાણા સતપંથના અનુયાયીયો જુઠ્ઠી વાત શા માટે છાપીને પ્રસિદ્ધ કરતા હશે?

આ પ્રશ્નનો જવાબ જાણવા માટે આપણે પહેલા સતપંથની સ્થાપના તેમજ ઈમામશાહનો ઈતિહાસ જાણવો પડશે. સાથે સાથે સતપંથના ધાર્મિક પુસ્તકો પણ જાણવા પડશે.

સતપંથના મૂળ સ્થાપક પીર સદૃદ્દીન (એટલે કે ઈમામશાહ ના દાદા) જયારે ઇસ્લામના પ્રચાર માટે ભારત આવ્યા, ત્યારે તેમને સફળતા નોહતી મળતી. માટે તેઓએ હિંદુ ધર્મ શાસ્ત્રોનો ઊંડાણ પૂર્વક અભ્યાસ કર્યો અને હિંદુ ધર્મ શાસ્ત્રોને ભ્રષ્ટ કર્યા.

ભ્રષ્ટ કરેલ શાસ્ત્રોમાં મુખ્ય બે શાસ્ત્રો છે…

૧) દશાવતાર  (જેની કથા દુર્ગાપુરમાં સતપંથીઓ દ્વારા યોજવામાં આવેલ છે.)

૨) અથર્વ વેદ

આ શાસ્ત્રોમાં પીર સદૃદ્દીને બાહ્ય રૂપ હિંદુનું રાખ્યું. જેમ કે હિંદુ દેવો રામ, કૃષ્ણ વગેરેને માન્ય. પણ ચતુરાઈ વાપરીને એ જ હિંદુ દેવોના મુખે ઇસ્લામનો છૂપો સંદેશો આપ્યો છે, તેવું બતાવામાં આવ્યું. માટે દાખલા રૂપે સતપંથ દશાવતારમાં મડદાને ભૂમિદાગ આપવાનું કહ્યું છે તેવું લોકોને જણાવ્યું. પોતાની વાતને વજનદાર બનવા માટે જણાવ્યું કે નીલા જાડનું પાંદડું તોડું પાપ છે, માટે મડદાને બળવું ન જોઈએ માત્ર દાટવું જોઈએ.

 

હાલમાં મડદાને દાટવાની વાતને વેદોક્ત બતાવ માટે અથર્વવેદના શ્લોકોનો હેમખેમ અર્થઘટન કરીને એવું જુઠ્ઠી રીતે બતાવામાં આવ્યું કે અથર્વવેદમાં જણાવ્યું છે કે મડદાને દાટવું જોઈએ. (આ બનાવટની સંપૂર્ણ વિગત જુવો http://www.realpatidar.com/a/series61)

ટૂંકમાં હિંદુઓને આકર્ષિત કરી તેમના દ્વારા ઇસ્લામી રીત રીવાજ પાળવા માટે તેમના મનને હળવાશથી મનાવા માટે હિંદુ ધાર્મિક પુસ્તકોના નામો ધરાવતા બનાવટી સતપંથના શાસ્ત્રો રચવામાં આવ્યા. આ શાસ્ત્રોના જોરે ઈમામશાહે કચ્છ કડવા પાટીદાર જ્ઞાતિના લોકોને શિકાર બનાવ્યા અને તેમને ભારતીય નામ ધરવતા (એટલે કે સતપંથ નામ ધરવતા) ઈસ્માલ ધર્મ ને પાળતા કરી દીધા.

માટે સતપંથ અથર્વવેદની રચના હિંદુઓનું ધર્મ પરિવર્તન કરી ને મુસલમાન કરવા માટે જ કરવામાં આવેલ છે તે સમજી શકાય તેવી વાત છે.

૫. ઈતિહાસકારો, સરકારી દસ્તાવેજો, સંશોધનકરો વગેરે બૌધિકોનું શું માનવું છે તે જોઈએ:

સમસ્ત માનવ જાતનું સહુંથી જુનું લેખિત કામ આજે પણ અકબંધ હોય તો તે છે ઋગ્વેદ. બાકીના ત્રણ વેદ તેના પછી છે. ઈતિહાસકારો જણાવે છે કે વેદોની પ્રથમ લેખિત પ્રત્તો મળ્યા તેને પણ હજારો વર્ષ થઇ ગયા છે. તેનાથી પહેલા વેદોનો અસ્તિત્વ હતો. તે જમાનામાં જાડના પાંદડામાં લખવામાં આવતું જે લાંબા સમય સુધી ટકી ન રહી શકે માટે એક સમય મર્યાદા થી જુના પ્રતો મળી શકે તેમ નથી. પણ અગાઉ જણાવ્યા પ્રમાણે વેદોમાં અક્ષરોની પાછળ ગણિત હોવાના કારણે વેદો સચોટ રીતે આજે પણ આપણી પાસે છે.

બીજી બાજુ ઈમામશાહ ને લગભગ ૫૦૦ વર્ષ માત્ર થયા છે. તેમના સમય કાળથી હજારો વર્ષ પહેલા વેદો અસ્તિત્વમાં હતા. આ પણ હકીકત બતાવે છે કે ઈમામ શાહ વેદના રચેઈતા નોહતા. આ હકીકત ઈતિહાસ પ્રમાણે સાબિત થયેલ છે.

૬. પીરાણા સતપંથના અનુયાયિયોએ પોતાના બચાવ માટે શું વિચારી રાખ્યું હશે?

પચાણ કાકા અને સહયોગી દ્વારા વર્ષ ૧૯૯૮માં ફાઈલ થયેલ એક કોર્ટ કેસમાં કરસન કાકા સામે આરોપ લાગ્યો હતો કે પીરાણામાં બ્રહ્મા, વિષ્ણુ, મહેશ અને વિષ્ણુના અવતારો જેવા કે રામ, કૃષ્ણ વગેરેના ચિત્રો દોરીને કરસન કાકા પીરાણા સતપંથને હિંદુ ધર્મ બતાવાની કોશિશ કરી રહ્યા છે. આ આરોપ સામે કરસન કાકા એ કોર્ટમાં જવાબ આપ્યો કે જે ચિત્રો દોરવામાં આવ્યા છે તે માત્ર સજાવટ માટે છે. તે ચિત્રોની પૂજા કરવા માટે નથી.

ફસાય ત્યારે આવો તર્ક કદાચ અહીં પણ સતપંથીઓ દ્વારા વાપરવામાં આવે. તેઓ કહી શકે છે કે ઈમામ શાહનું નામ અથર્વવેદ ના રચેઈતા તરીકે નથી પણ કોઈ અન્ય કારણ હોઈ શકે. જેમ કે ઈમામ શાહ એ અથર્વવેદના પ્રચારક છે / સદગુરુ છે વગેરે વગેરે.

પણ પ્રચારક તરીકે પણ અગર ઈમામ શાહનું નામ જોડે તો પણ એ એક ભયંકર ભૂલ હશે. કારણ કે ઈતિહાસ બતાવે છે કે અથર્વવેદની આડ લઇને ઈમામશાહ એ ઇસ્લામ ધર્મનો પ્રચાર કર્યો છે. માટે ગમે તે કારણ બતાવે મૂળમાં ઈમામ શાહનું નામ હિંદુઓનું ધર્મ પરિવર્તન કરાવનાર તરીકે છે, તેમાં કોઈ બે મત નથી.

૭. સારાંશ: ઈમામ શાહે ભ્રષ્ટ કરેલ દશાવતાર અને અથર્વવેદ જેવા ગ્રંથોના આધારે હિંદુઓને આકર્ષિત કરીને તેમનું ધર્મ પરિવર્તન કરી તેમને મુસલમાન બનાવેલ છે. પીરાણા સતપંથના અનુયાયી પણ એજ દશાવતાર અને અથર્વવેદ નો પ્રચાર કરીને ઈમામશાહનું ધર્મ પરિવર્તન કરાવવાનું કામ આગળ વધારી રહ્યા છે.

Real Patidar


ડાઉનલોડ:

https://archive.org/details/Series62


Leave a Reply

7 thoughts on “Series 62 -Controversy of Associating Imam Shah with Atharv Veda /અથર્વવેદ સાથે ઈમામશાહનું નામ જોડવાથી વકરેલો વિવાદ

  • Ramesh Limbani

    જાગો સનાતની જાગો
    સનાતન ધર્મ જાગૃતિ Part II

    જય લક્ષમીનારાયણનારાયણ,
    સનાતની ચળવળની જુવાળ ટાઢી પડતાં વળી પાછી સત્પંથી ષડયંત્ર જોર પકડવા લાગ્યું છે. દુર્ગાપુર માંડવી સપ્તાહમાં કહેવાતા મહામન્ડલેશ્વર જનાર્દન બાવા એ ઇરાદા પૂર્વક અથર્વવેદ ના રચયિતા ઈમામશાહ મહારાજ કહી ટાઢી પડતી જુવાલમાં પેટ્રોલ નાખવાનું કાર્ય કરેલ છે. હું કહું છું આવું તે લોકો શા માટે ન કરે ?

    તે લોકો તેમનું કાર્ય ફરજ અને નિષ્ઠાપૂર્વક કરી રહ્યા છે.

    હવે જોવાનું એમને નહીં આપણે છે કે આપણે શું કરી રહ્યા છીએ ? વૈચારિક લડાઈમાં બન્ને પક્ષે વિચારો રાખવાના પ્રયત્નો થાય તે સમજી શકાય. પણ આપણી કમજોરી કે કાચ્ચું પાસું આપણે તપાસવું પડશે. જરૂર છે વળી પાછું આપણી જ્ઞાતિમાં ઝુમ્બેસ શરૂ કરવાની. આ કાર્ય એકલદોકલ નું નહીં પણ સહિયારા સહયોગ થી કરી શકાશે. કેવળ નારાયણજીબાપા ની જયંતિ ઉપર બ્લડ ડોનેસન કેમ્પો ના આયોજન થી તેમને સાચી શ્રધાંજલિ નહીં આપી શકાય. યુવસંઘને આ કાર્ય માટે જવાબદારી સોંપાઈ છે. પણ યુવસંઘને કાર્યપદ્ધતિ અને બલ્યુપ્રિન્ટ કોણ બતાવશે ?

    “સનાતન જાગૃતિ” ના સ્વયં સ્ફૂરિત સનાતની સૈનિકો એ વળિપાછા ભેગા થઇ આ ઝુંબેસ ને દિશા આપવી પડશે. આ કાર્ય બીજા કોઈ થી નહીં હું મારા થી શરૂઆત કરીશ જ. અને બીજાને આવું કરવા માટે પ્રેરિત કરીશ.નહીં હનુમાન જેટલું પણ એક ખિસકોલી જેટલું કાર્ય કરી સનાતની વડીલો ને શ્રધાંજલિ આપવા કટ્ટીબદ્ધ.

    – રમેશ લિબાણી
    ————————–
    Comment sent via email

  • Jayantibhai K. Lakdawala

    આ હકીકત દુર્ગાપુર, રૂપારેલ ખાતે કથા ચાલી રહેલ છે.
    ત્યાં હિંદુ ધર્મ અને પરંપરાનો સંપૂર્ણ દાટ વાળવામાં આપણા જ સનતાનીઓ ભેગા થઇ હિંદુ સંસ્કૃતિને કોરાણે મૂકી અર્ધદગ્ધ મુસ્લિમ સંસ્કારો હજુ પણ ઘુસાડી રહ્યા છે.
    હદ તો એ થઇ છે કે ચાર વેદ પૈકી અથર્વેદને ઇમામશા બાવાએ રચ્યો છે તેવું પત્રિકામાં છપાવ્યું. આ હદે હિંદુઓની હાંસી ઉડાવાઈ રહી હોય તે લોકોને કઈ રીતે હિંદુ કહેવા કે ગણાવા.
    અરે, તે પત્રિકામાં નિષ્કલંકીને દસમો અવતાર ગણાવે છે. હિંદુ માન્યતામાં દસમો અવતાર કલ્કી ભગવાનનો છે. જો નિષ્કલંકી જ કલ્કી ભગવાન હોય તો પત્રિકામાં નિષ્કલંકી લખીને હિંદુની લાગણીઓ સાથે શા માટે ચેડાં કરી ફરી પાછાં હવનમાં હાડકાં નાખવામાં આવે છે.
    યુવાસંઘ આ બાબતને ગંભીરતાથી લે તેવી અપીલ છે.
    આવી રીતે જ આપણાં માનસને ભડકાવાનું કામ સતપંથીઓ અવારનવાર કરતા રહ્યા છે. પાછા સતપંથીઓ અને કથિત બૌધ્ધિકો આક્ષેપો આપણા પર કરે કે સમાજને તોડી રહ્યા છે.

  • Dinesh

    સામાન્ય ભણેલો, અને સામાન્ય જ્ઞાન ધરાવતો હિંદુ એટ્લું નિશ્ચિત જાણે છે કે વેદો અપૌરૂષેય છે, તે ઋષિમુખ દ્વારા સમાજમાં વહેતા રહેલા, અને પાછળથી, વિકાસની સાથે તે તાડ્પત્ર, શિલાલેખ, તામ્રપત્ર, કે છેલ્લે કાગળ ઉપર લખાઇને સામાન્ય જનમાટે ગ્રંથસ્થ થયેલા છે, જે એકાદ સદી, કે હજારેક વર્ષ પહેલાં નહિં બલ્કે હજારો વર્ષોથી ઉપલબ્ધ છે.

    જ્યારે કે ઇસ્લામનો જન્મ જ 1400 થી 1500 વર્ષ પહેલાં થયો. અને તેમાં પણ ઇમામશાહ ને થયે તો લગભગ 500 વર્ષ જ થયાં છે. અંદાજે પાંચેક હજાર વર્ષ પહેલાં ભગવાન શ્રીક્રુષ્ણનો અવતાર થયો તેવું ગણાં વિદ્વાનોનો મત છે અને તે કેટલાંક ઐતિહાસિક પ્રમાણોથી સાચો પણ ઠરે છે. એટ્લે અથર્વવેદની ઉત્પતિ કે રચયિતા સાથે ઈમામશાહ ને સ્નાન સૂતકનો પણ સંબંધ નથી.

    આ બાબતે વધુ આધિકારીક ખુલાસો શંકરાચાર્યો, ગુજરાત વિદ્યાપીઠ કે બનારસ હિંદુ વિદ્યાપીઠ્ના સંસ્ક્રુત ભાષાના વિદ્વાન પ્રાધ્યાપકોને કે છેલ્લે આર્ય સમાજ્ને આ બધું પ્રપંચ બતાવી અને સીધો પ્રશ્ન પૂછી મેળવી શકાય છે. અને જે કરવું અત્યંત જરૂરી એટ્લા માટે છે, કે આજની પેઢીને, માનવ સમાજ્ના ગૌરવરૂપ હિંદુ ધર્મ અને તેના ધર્મગ્રંથો બાબતે સાચી અને સચોટ માહિતી આપી, અને આવાં પ્રપંચોથી ગેરમાર્ગે દોરાતી બચાવવી જરૂરી છે. અને તે મોટો જ્ઞાનયજ્ઞ ગણાશે.

    શાસ્ત્રોમાં જ્ઞાનદાનને ઉત્તમ કોટીનુંં કહેવામાં આવ્યું છે.

  • Shantilal

    I think this event is purely personal matter .please read patrika very carefully. Invitation by a dholu family controversy is not justify.

    • Real Patidar

      This event is not personal matter. It is organised by Dholu family. Event is held openly in public and thousands of people outside the family are invited. It is before such huge gathering that the compromised / corrupted Atharv Ved is appreciated and hidden values propagating Islam are spread. All this is done in the name of “Arya Vedic Sanatan Hindu Dharm”.

      This act is hurting the religious feels of Hindus and causing immense disrespect to Hindu religion. It is flaring communal tension between two religious groups.

    • Jayantibhai K. Lakdawala

      ભાઇ શાન્તીલાલ,
      પરસનલ તો કહેવાય કે જેની કોઇ આમંત્રણ પત્રિકા ન હોય, કોઇ જાહેર આમંત્રણ ન હોય. ઉપરથી હીન્દુના કોઇ ધર્મ વડાઓને પણ આ પત્રીકા ગઈ છે. આતો હીન્દુ પરંપરા સાથે પ્રપંચ છે.
      વ્યક્તિગત હોય કે જાહેર હોય પત્રિકામાં તમે કઈ રીતે તદ્દન જુઠ છપાવી શકો?
      વળી ધર્મ અંગે કોઇ ગમે તેવું જૂઠ છાપે તોય તમે વ્યક્તીગત છે તેવું કહી દો?
      આવી આપણી રીત-રસમને કારણે તો સમાજમાં પ્રશ્નો ઊભા થાય છે. બૌધિકો પણ કેવા વહિયાત નિવેદનો અને આવી બાબતોમાં સહયોગ કરી બેસે છે તે આના પરથી સાબિત થાય છે. નર્યું જૂઠ જો આપના જેવા બૌધિક અને સમજદારને ન દેખાતું હોય તો સામાન્ય લોકો તો ભ્રમિત થાય જ.
      શાન્તીભાઈ મારા આ જવાબથી કે મારા જેવા અન્યોના જવાબથી કોઈનો અહમ ઘવાય છે. તેવા લોકો પછી સત્ય શું છે તે સમજવા જ તૈયાર થતા નથી.
      ઘણા તો આવા જવાબને માનભંગ ગણાવે છે. બસ, આટલાથી જ મને દુશ્મન અથવા વિરોધી ગણી મારા વિશે સાચા ખોટા આક્ષેપો જૂઠ વાતો તેઓ કરતા થઈ જાય છે. હું તમારા વિશે ગમે તેવું બોલતો થઈ જાઉં આમાંથી સમાજને અને સૌને નુકસાન થાય છે.